新學期得來不易。經過籌備多時的面試派位大作戰，家長才能為子女尋得心儀小學，但對有特殊教育需要（SEN）小孩而言，升學路又有多崎嶇？9月新學期開始，小一生升讀新學校要學習適應新環境，兩名兒子有發展遲緩的爸爸Kenneth坦言，單是找到一個適合兒子的環境已是一項挑戰。由無奈到接受，到下決心陪伴孩子走過難關，捱過這段漫長經歷全因一個信念，「如果你都唔第一個接受佢嘅話，呢個世界無人會接受佢。」

記者　黃翠儀

今年已經9歲、升讀小三的Karsten，看起來卻和6歲的弟弟Enoch高度相若。「哥哥出世，抱佢嘅時候係覺得有啲唔同嘅？其他小朋友一抱個胳肋底都夾得好實，但佢會鬆少少。」小小的違和感，原來是發展遲緩徵狀。Kenneth後來發現，哥哥學習行路、說話等方面都較同齡小孩慢，到2歲多時經醫生評估確診整體發展遲緩，「當時係有啲唔開心，咁去到最後原來有個咁嘅（評估）結果返到嚟，就更加係唔開心。」

若只論心情，他回想大約用了一年到年半時間去接受，但現實是要同時與時間競賽，「因為3至6歲係黃金時間一定要追，好多野逼住埋嚟要開始做，譬如排政府物理治療，要即刻揀要排邊區，等嗰陣搵私人中心做訓練等等。」後來弟弟出生，亦同樣被確診為發展遲緩，情況較為輕微。

孩子接受治療後開始有轉變，令他看到一點點曙光，也學懂調整心態，不強求孩子與同齡小孩達同樣程度，「只要唔繼續跌得太遠呢，ok架喇。」談起和太太一直抱有的一個信念，他眼泛淚光，惟語氣堅定，「如果你都唔第一個接受佢嘅話，呢個世界無人會接受佢。」

哥哥有時亦很「硬頸」，例如曾經歸家時堅持在商場向左走，但向右才是正確的路。爸爸苦笑，「喺商場同佢糾纏咗3、4個字，都好考我EQ，咁本身我個人係無咩EQ嘅。」誠實面對自己，他坦言曾有一刻想放棄，「但係好快就打消咗呢個念頭，因為好認真講，如果我照顧到佢成世咁當然無問題，但理論上我點都先離開個世界過佢，咁佢剩低嘅日子點呢？咁對佢好唔公平。」

現時衞生署兒童體能智力測驗服務，會為12歲以下懷疑在成長發展過程上有問題的兒童評估，若小孩確診有特殊需要可經社工轉介以社署中央系統申請相關服務，包括俗稱E位的早期教育及訓練中心。不過名額有限，例如E位平均要輪候約1年半，而17/18年該服務有5,533人輪候、3,316人使用。不想錯過兒子的黃金治療時間，Kenneth輪候時會亦有報讀私人中心課程，惟花費較多每月要數千元。他形容兒子的個案較為「幾好彩」，輪候1年多便等到社署資助的中心名額，入讀非牟利機構明德兒童啓育中心（CDC）接受治療及訓練。直到升小學這一關，中心導師認為Karsten可升讀主流小學，爸媽便開始不一樣的升學作戰。

「要收嘅風好唔同，其他家長會睇下邊間最好呀係咪happy school呀，但對我哋嚟講，最重要就係間學校對我哋呢啲小朋友支援足夠，同埋究竟老師接唔接受到。」因此他到中心查詢、參考「師兄師姐」經驗；又帶哥哥到超過10間學校參觀，全因擔心小孩情況有別，「要佢合眼緣先得架。」有趣是在2間由上下午校分拆、新舊校舍之間，「阿仔反而鍾意舊啲呢間」，後來成功經自行收生方式獲該官立小學取錄。

開學前，他鼓起勇氣主動向學校說明兒子情況，中心導師亦有與校方溝通，幸好校方反應積極，特地召集相關老師開會，「中心話到一啲方法畀小學老師聽，而學校老師又好好，願意去聽去跟，都幾難得。」當年整個暑假他要不斷向哥哥提及將會升讀小學，「等佢有個心理準備」，至入學數個月後兒子終於適應小學生活。今年弟弟Enoch升讀同一間小學，哥哥的經驗幫助很大，媽媽Ellen笑言「今次輕鬆好多」。

中心教學部指導吳慧華亦鼓勵家長與學校溝通，令學校可預早準備支援，例如添置器材、安排治療服務等。她強調，申請小學時列明學生有SEN並不會影響派位結果，以免變相令小朋友開學時缺乏支援，校內老師亦較難掌握小孩的情況。

歷盡艱辛終於看到小孩進步，最重要是放下心頭大石，「成日諗究竟佢會唔會識到朋友呢？無朋友好慘架喎……好彩而家佢喺學校都有朋友。」受訪時總是很認真的爸爸，終於展露一個燦爛笑容。

新學期才剛開始，但一眾本地家長已密鑼緊鼓為孩子升學作打算。若家長對有特殊教育需要的孩子升學前路有疑惑，可到各學前教育中心查詢，例如設有家長工作坊講解升讀主流、特殊教育學校事項、派位方式及申請程序等，不必孤單面對。