楊千嬅同肥媽日前現身海南島，為當地一個大型渡假村出席開幕活動，已經第N次去海南島嘅千嬅仲賣晒口乖話下次想帶埋老公同囝囝Torres一家三口去玩喎，事關嗰度有個全中國最大型嘅TeddyBear博物館，佢話：「呢個不單只係一個博物館，每隻熊背後都有自己故事，好有教育意義，我可以同Torres講唔同地方嘅歷史背景。」

肥媽仲話見到嗰度啲示範單位個廚房，就立即兩眼發光，想馬上將新嘅烹飪節目構思搬到去海南島拍喎。