那些年，如果有隊波同時擁有杜奧巴、卡卡、派路同韋拿，嗰隊一家係超級球隊！家陣美職明星隊將球迷那些年嘅幻想成真，呢四位勁人組成嘅美職明星隊，同訪對嘅阿仙奴踢咗場友賽！

11分鐘兵工廠前鋒祖爾甘保開紀錄，但完半場前，曾效力車路士嘅「魔獸」杜奧巴扳平，完場前槍手要靠艾邦姆嘅入波，先可以險勝2:1。之但係阿仙奴贏咗場波都冇用，照樣畀美職明星隊搶晒fo。冇計啦，有份踢嘅阿仙奴球員，最出名係門將施治、禾確特同韋舒亞，除咗施治可以叫做同杜奧巴、卡卡、派路同韋拿同level，其餘嗰兩位，就...你懂得！