李八方online︱《南早》前總編變性兼改英文名
蔡明祁變性Gina南華早報
路透社新加坡籍高層、前《南華早報》總編蔡明祁(Reginald Chua),近日宣佈變性並將英文改名為Gina。網頁截圖
時代日趨進步,社會、企業對多元性別嘅包容度比以往大。近年大熱電影《丹麥女孩》同《翠絲》出現,更令唔少人重新思考自己,繼而嘗試活出真我。好似近日路透社新加坡籍高層、前《南華早報》總編蔡明祁(Reginald Chua)咁,近日就宣佈變性並將英文改名為Gina。路透社亦都好配合,幫佢整咗個新個人簡介,個人照就由熟男搖身一變成為金髮女子。
Gina向同事宣佈自己變性嘅消息,亦有喺佢個人wordpress分享呢個喜訊,話日後佢會100%做真實嘅自己,又強調呢個變化唔會影響佢工作表現,網頁截圖
現時,佢喺路透社除咗喺編採流程中肩負執行總編重責外,亦要同時兼任路透社嘅行政同開支預算。
喺傳媒界打滾超過30年嘅Gina,曾經喺2009年出任《南早》總編,不過兩年後離職。當時英媒《金融時報》曾經都報道過,估計當時仲叫做Reginald嘅蔡因為勇於報道北京政府拘捕內地維權律師嘅新聞,又畀內地異見作家長平喺《南早》寫專欄,最終被報社高層請離場。
-----------------------------
-----------------------------