凌晨與太太參與立法會外通宵留守行動抗議建制派修改議事規則的74歲黃伯表示，今晚會繼續在添美道紥營留守，指3年前在金鐘紥營留守，是參與雨傘運動，希望立法會否決人大8.31爛方案，最終立法會成功否決，「我希望我呢次喺度紥營留守，亦希望我哋否決到（建制派）修改議事規則的議案」。黃伯又指，晚上即使著了不少衣服，但仍感到「寒寒地」，「好在有啲巿民知道老人家頂唔順，就嗱嗱聲漏夜撘的士，擰咗兩個睡袋過嚟畀我，我地有睡袋就好啲囉」。

黃伯認為，一旦議事規則被修改，將是立法會一個最壞的開始，因為根據基本法，立法會本應要整體人數過半數開會，如果建制派指20人已可開會，「除咗養懶嗰班建制派議員之外，根本上係違法違憲！第日有咩草案、條例同惡法，喺佢地（建制派）20個人，（立法會）三份一人都未夠呀，就通過到，我哋作為香港普選巿民，我哋的權利同核心價值係盪然無存」。