《蘋果》記者日前在深水埗黃金電腦商場遇到兩子之母黎女士，當日她替兩名寶貝兒子購買電腦及打印機，以備九月一日開學後網上授課之用，她指因為兩子撞了上課時間需要多買一部電腦。經過一輪衝刺她兩手拿着戰利品笑着說：「買咗大約5千蚊，個仔開心、我唔開心，惟有自己買少啲嘢。」

黎女士育有兩名8歲及4歲兒子，新學年分別升讀小三及K2幼兒班，原本家中已有一部電腦及一部ipad，但她嫌電腦已使用超過8年，運算速度太慢，加上4歲孻仔亦要用Zoom上課及用電腦交功課，思考一番後決定需要再添置電腦。

為免花多眼亂，這個精明媽媽早定下清晰目標，又向其他家長取經及格價，她指預算購買入門電腦，滿足基本要求就可以，「買最普通嗰啲可以上堂用，因為我兩個小朋友就係撞咗時間上堂，所以一定要一人一部。」

黎女士左挑右選後，最終以3998元購入一部手提電腦，當中包括內置鏡頭、咪高峯，不用再花錢另購，她更要求店員幫忙安裝Zoom等程式，以便回家可即刻使用。新學年對家長來說，樣樣都是錢，書簿費、校服、文具，缺一不可，雖然學校老師沒有硬性規定要用電腦上堂，但黎女士指若用手機上網擔心屏幕太細壞眼睛，「電話個屏幕真係太細，對佢哋眼睛唔好，因為其實電話都上到，我唔想佢哋望住部電話，所以都要買大個屏幕嘅電腦。」

黎女士下一個目標是購入一部打印機，「幫兩個仔print啲功課同工作紙，方便啲。」她最終花了20分鐘，以899元再購入一部打印機，笑言「小朋友開心，但我唔開心」，未來會減少個人消費，在其他地方「慳住使」，盡量幫補。

-----------------------------

你敢爆，我敢獎！ 立即WhatsApp 《蘋果》24小時爆相爆片熱線 或致電：63836568

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！