cwypatrick退而求其次,「建築材料股都可以考慮!」soho123插嘴話:「所以水泥股今日大升。」SG-head賺咗錢,好得戚咁話:「香港建築工程嘅netmargin(邊際利潤)一般由3至5%,但我今日就賺咗近20%啦,因為我噚日買咗隻3311(中國建築)。」
噚日升嘅建築股好似俊和(711)同有利集團(406),分別升15%及17%;新昌營造(404)仲因為勁升28%,停埋牌㖭,不過噚晚復牌,公佈話股權可能易手喎。就連隻搭棚嘅滙隆控股(8021)都升1.7%。難怪網友都建議:「今日買建築股。」