曼聯喺周三將會出戰英格蘭聯賽盃，作客出戰英冠嘅布里斯托城，有英國傳媒就影到，近期畀摩連奴雪到硬嘅米希達利恩有隨隊作客，咁究竟今日會唔會有機會解凍呢？摩佬就表示，MK恩有機會嘅。

摩佬回應傳媒提問時講，今晚場波會做幾個調動，但唔會好多，因為布里斯托城都唔係一隊可以低估嘅球隊，不過就無講明有冇MK恩份。但摩佬都有補充，話曼聯前場人手好足，「我地依家正選有盧卡古、連格、福仔，仲有伊巴、馬達、安東尼馬迪爾要打後備，球隊要平衡，無可能後備全部都係攻擊球員。」睇黎好似已經將MK恩排除在外。

MK恩之外，曼聯陣容有保羅普巴停賽期滿復出，青年球員杜安薛比有望擔任正選。而因為摩佬唔使迪基亞隨隊，羅美路會擔任正選門將。另外，仲有艾舒利楊格、尼曼查馬迪同菲爾鍾斯都冇隨隊作客。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM