宋芸樺今次再拍校園片《帶我去月球》，對手係另一位靚仔劉以豪，講到咁好彩又可以同靚仔合作，宋芸樺就話:「最開心是每個人都有不同特色，合作都愉快，應該是命運的安排。」講到佢主演過兩套校園電影，佢就話自己都好鍾意戲中兩個主角林真心同李恩佩，但就話希望自己嘅未來會似後者多啲，她說：「她是勇敢的女生，去追隨自己的夢想，即使結果怎樣，做的過程全力以赴，精神是很值得佩服。」

身邊嘅劉以豪就話喜歡林真心嘅純真多啲，李恩佩嘅勇氣跟追夢，喜歡宋芸樺嘅大方、自然、漂亮。戲中劉以豪喺回到97年時，提到未來會出現嘅籃球員林書豪跟AV女優波多野結衣，問到以豪知唔知邊個係波多野結衣時，佢有啲靦腆咁話:「我曉得，林書豪打籃球、波多野是一位日本女演員，應該有看過她的演出。在家中自己很私密的房間，唉，越講越多，我有點發熱。」但原來佢唔知波多野嘅外號，反而宋芸樺知道對方叫「暗黑林志玲」。

提到今次故事講穿越，劉以豪話想返到爸爸小孩嘅時代:「他也曾經國中、高中、叛逆，但自己沒有辦法想像。爸爸就是背負着完美，一個家的重任，所以好想回到那個時候，看爸爸到底是怎樣。」宋芸樺就想返到第一次去日本迪士尼嘅童年，佢話:「當時母親跟我說，只要我戒掉吃奶嘴，就帶我去迪士尼。就瞬間不吃，大概時幼稚園中班。想去尋找當中的感動。」

場地：香港九龍貝爾特酒店

更多娛聞，喺晒《娛果》
http://fb.com/appledailyent