當年今日
關於我們

胡應湘捐一千萬賑災

蘋果日報 2005/07/07 08:00


早排內地大雨成災,雖然未聽聞有大型賑災活動,但一啲大孖沙已主動捐獻,前日合和實業就向廣東捐出一千萬元,由廣東省副省長李容根親自接收。呢次哥頓胡應湘冇親自出馬,而係由個仔胡文新同集團副主席何炳章,出席交支票儀式。
胡文新話,一聽到廣東省遭受百年一遇嘅特大洪災,佢老竇就馬上話要捐錢,認為義不容辭。咁又係嘅,合和喺廣東有唔少投資,包括公路同埋地產,如果因為洪災而影響當地經濟,對公司都有影響,捐錢既可以當做善事,何樂而不為呢!