港姐選舉一向是非多籮籮，唔係邊個同邊個不和，就係邊個唔妥邊個，不過唔係每屆都搞到好似爾虞我詐咁，有啲選完，感情可能更深厚。

2017年港姐出爐雷莊𠒇(Juliette)雙料冠軍噚日就與一班同屆選港姐嘅佳麗食飯，好似張寶欣、亞軍何依婷、季軍黃瑋琪、梁雯蔚、李清心、黃凱琪、胡美貽及邱晴等，雷莊𠒇同「仙氣Kelly」伍樂怡都有喺Ig動態貼片，原來佢哋約埋打邊爐。