噚晚9點左右，記者喺中環蘇豪區一間日本餐廳門口，見到吳彥祖夫婦同埋一班朋友食煙，應該就係啱啱食完飯，吳彥祖就同朋友有傾有講，而LisaS.仲講到手舞足蹈。

之後佢哋一行人行到去一間西餐廳門口，就有個中女發現吳彥祖，即時就跑過去問可唔可以自拍，吳彥祖都好nice應晒個中女嘅要求。之後佢哋再去到一間吉鋪門口傾咗15分鐘，唔知會唔會係睇鋪呢？過咗一陣，吳彥祖嘅朋友就離開咗，得番佢哋兩公婆，吳彥祖就發現咗記者，LisaS.就好興奮，同記者揮手，仲扭晒腰咁，又好大聲同記者講byebye。