跑馬從來都不是男士的專利，今日（16日）陽光普照、天朗氣清，沙田馬場又集結咗唔少美女觀賞賽馬，睇佢哋有啲就睇到七情上面，握拳好肉緊，有啲就一派悠然自得，笑起來大晒靚齒，全情投入賽馬，一啲都唔讓男士專美。

這天是父親節前的一個星期六賽馬日，雖然戲碼冇大賽日咁強，但兩位前領騎師潘頓與莫雷拉大鬥法，加上又有千嬌百媚，亦令這一個平淡賽馬日生色不少。