為咗鼓勵成績好但家境有困難嘅學生畀心機讀書，減輕佢哋屋企嘅經濟負擔，一年一度嘅蘋果助學金喺九月初已正式接受申請。蘋果助學金已經同唔少清貧學童共度六個寒暑，助學金嘅目的主要係減輕本港中、小學生喺學費、書簿同膳食嘅支出。

可向校方查詢
早排，大使已經向全港逾千間中、小學寄出宣傳單張同申請表格，有需要嘅同學可以向校方查詢。
𠵱家經濟環境差，好多貧困家庭都希望知多啲申請助學金嘅審批準則，呢排大使淨係接查詢電話都接到手軟，佢哋提出嘅疑問真係層出不窮。某日，家長甲問：乜嘢叫做成績好？點樣界定為貧窮，我哋擁有私人物業，可唔可以申請？隔日，老師乙又問：操行良好，即係代表乜嘢？