沙田馬場今日（24日）第五場四班1400米，麥菲文馬房以史卓豐操刀的6.7倍馬「銀豐神駒」勝出，此場另一焦點是雷神莫雷拉的2.7倍大熱，沈集成馬房的「自動波」輸得不明不白，結果雷神要停賽收場。

「自動波」沿途帶放，放得甚搶口，和雷神人馬角力，雷神少有地留馬留得這麼不順。由於馬兒消耗多，末段遂轉弱，最離奇臨尾幾步雷神突然放軟手腳，不甚力策，結果「自動波」因此遭梁家俊的「星心英雄」趕過；如今四、五名順序是「星心英雄」、「自動波」，倘非雷神放軟手腳，幾可肯定兩駒名次會互調。

賽後馬會展開研訊，裁定雷神未令董事滿意，無力策「自動波」到終點，罰他於10月11日、14日停賽兩期。問題係「自動波」冇咗第四名，涉及四連環、四重彩，如今投注「自動波」當輸，雷神只停賽兩期，算不算馬會格外開恩輕判？

在此事中，「星心英雄」的騎師梁家俊因此得益，此駒本應跑第五而變成目前第四。但梁家俊的懷孕太太阿Kit，在賽後仍未知有否研訊時，已在fb說：Fb神，想問咁樣無第四會唔會有手尾？

結果惹來不少留言，大多是批評雷神。其中有網民謂：佢（指雷神）幫手俾多少少獎金家俊仔做奶粉基金，阿Kit就講笑回覆：應該係，除非唔係。