近日寫股寫市，有點像足球評述員講波，場內球員踢得懶懶散散，評述員卻講得興高采烈。股市現時亮點唔多，升升跌跌未有明顯趨勢，除非高收21000樓上，否則又係吼低才入。
近日樓市比股市熱得多，周遭年輕人都在呻樓價貴。士佳去年在電視節目用圖表分析，講過樓市會升，轉眼間已升逾10%。究竟現在是否真的太貴，又是否仲有得升?
以上問題，其實瑞銀的分析報告已有提及，講兩年有35%上升空間。對此士佳亦表贊同，皆因樓市主要受三大因素影響:息口、經濟及供應，現在銀行又醞釀減息戰，傳金管局開聲定下限指引，水浸浸到上眼眉；加上外圍伯南克講低息講到出面，英國救市都救唔切，談何退市，相信2010息口難升，最多象徵性加加而已。至於經濟，有內地這支雙位數字GDP強心針，又是另一火車頭。

三方發力易升難跌

至於供應，雙軌勾地難以改變今年落成單位極少的事實，政府鑑於八萬五的失敗，相信唔敢螳臂擋車，三頭馬車發力，今明兩年樓價肯定大漲小回，其實趨勢早在，但年輕人先前沒有置業興趣，故無人接力，但如今觀念改變（YOHOMidtown可作啟示），實在是火上加油。傳統樓市由春節旺至復活節，節後轉趨淡靜，相信今年樓市屬大漲小回，今明兩年仍有升幅。當然，純靠資金推動的是投機，並非投資，但投機賺的錢與投資所賺的並無分別，大家看清自己風險或需求，可對號入座。

張士佳　華富嘉洛證券投資服務部董事
mailto:[email protected]