郭富城下晝喺朗豪坊出席電訊商活動，上次拍個電訊廣告後，即同苟芸慧爆緋聞，到最後城城仲同熊黛林（Lynn）分手收場。城城今次就單拖出席，訪問時仲話乜都已經過哂去，唔好再提。

講返個宣傳，城城今日心情似乎幾好，由頭玩到落尾，就算揸住塊膠版話係所謂嘅手機都可以玩得一餐，仲扮打比媽咪，之後佢又打手印時，又幾次凌空用力，真係好鬼High，影相時又揸住支閃電道具擺chok甫，心情好到裂呀。

講到《同謀》有份入圍角逐亞太影展，城城就坦言話好開心，不過就謙虛話冇得同梁朝偉同埋《一代宗師》比較。城城又話香港0依家好缺乏新生代演員，所以大家都應該幫手栽培吓喎。