【賢仔Call馬】潘頓揀騎!我唔介意盡開顏冇轉正腳(廖浩賢)
潘頓廖浩賢盡開顏賢仔call馬冇轉正腳
潘頓剛周一(1日)全熱門又贏,大冷門又贏,就算「日日精彩」倒灶,都是跑晒畀你睇,沒有任何挑剔可言,只要馬匹陣中交出預期演出,潘頓就交出應有水準,作為捧場客最重要係呢一點。
隔日匆匆於周三(3日)谷草挑燈夜戰,潘頓七匹座騎實力依然強橫,仍然係投注者首選。
第七場三班1200米:框架圍繞「盡開顏」、「英之星」、「獎進」、「加州銀晉」四駒之爭,馬膽揀「盡開顏」,皆因潘頓揀騎,加上抽4檔起步,相信在跑法上會主動跟前守好位,冇需要留到三、四叠八、九位,等直路才爆後勁。
「盡開顏」無論戰略、配搭都比前幾仗條件優勝得多,上周一(6月24日)已交由潘頓落草地快跳,上周六(6月29日)朝作最後試跑,唔介意佢沒有轉正腳,因為全程捉到實,純粹為造慢時間儲火,留力等跑今仗。
前仗「盡開顏」能夠力迫「競技勇士」跑第二,後駒再出在二班連捷,「盡開顏」揸住呢套賽績而面對今場一群三班中級對手,絕對值得信懶。
對手方面,除上述所提幾駒之外,特別要品題「威武再現」,4月尾曾缺課,但埋門兩番試閘都展現強勁追勢,休息近四個月,馬身脹卜卜、朝氣勃勃,四重彩一席都要留意。
-----------------------------
7月4日起 《蘋果動新聞》只限升級壹會員閱覽
繼續撐蘋果!