上半場入三粒，換邊後入多四粒，恒大兵賺到笑！

禮拜三場亞冠盃G組首輪分組賽，廣州恒大上演入球騷！王上源同埋廖力生齊齊梅開二度，加上巴西射手列卡度高拉特、阿倫杜格拉斯同埋荷西保連奴各入一粒，最絡由世盃冠軍教練史高拉利帶領嘅恒大以7:0大勝東方。根據恒大獎金制度，今場大勝七球，職球員獲得2,400萬人民幣（約2,700萬港元）獎金。

其實廣州恒大近年一向都用派錢嘅方法搞波，球隊班主許家印同時亦都係中國恒大地產嘅創辦人兼董事長。2010年，恒大集團以1億元人民幣買斷廣州足球會的全部股權份，並改名為廣州恒大，所以呢支球隊近年一直都財大氣粗，派錢當食飯。