【新增內容】
新年流流……唔少朋友會約埋聚吓，一班大台花旦仔咁老友，趁住農曆年搞番個gathering，之前陳凱琳、龔嘉欣、樂瞳、沈卓盈及譚凱琪等拍大台新劇《平安谷·逐個捉》。

幾個女仔一個墟，龔嘉欣今日喺微博貼出多張合照，扮出古靈精怪pose，留言：「平安谷少婦聯盟去開派對了，睡衣派對是最舒服的happy，年初二night，love you girls!」

呢個睡衣派對……眾女一時輕露香肩、一時O嘴扮cute，幾個女仔好似大細路咁。唔知陳凱琳有冇忍唔住同啲姊妹講吓男友鄭嘉穎呢!?

沈卓盈今日回覆傳媒就話：「噚晚party好好玩，一人帶一套睡衣去，成班女仔傾通宵，大家玩得好盡興，好開心，我哋拍劇日對夜對，講咗好耐新年要出嚟gathering。」

問到雞年係咪恨嫁，佢笑言：「年年都恨㗎啦!隨緣啦，最緊要揀個啱自己，錫自己嘅人，因為呢樣好神聖，希望雞年有一個好嘅開始，好運快啲嚟，事業同愛情都大豐收啦!」