「好好經營應該OK」
馮仁昭四圍超：小春許願認拍拖 - 馮仁昭
蘋果日報 2007/11/14 00:00
無綫劇集《鐵咀銀牙》演員陳小春、佘詩曼、謝天華同陳敏之等，噚日去大埔林村許願樹祈福，將願望寫喺寶牒上，掛到許願板。落選港姐黃瑩明知要到莊嚴之地宣傳，竟露出一雙長腿搶鏡，似乎有啲不敬。
小春噚日遲到，要全部演員等佢出現先可以進行活動。小春心情大靚，平時一提起私人感情事就發爛渣，但之前佢俾傳媒踢爆有新女伴，噚日被傳媒追問戀事時竟風騷地承認拍拖，問佢係咪如傳聞所講蜜運中？小春話：「OK啦，都一段時間，好好哋經營落去應該OK。」
小春噚日遲到，要全部演員等佢出現先可以進行活動。小春心情大靚，平時一提起私人感情事就發爛渣，但之前佢俾傳媒踢爆有新女伴，噚日被傳媒追問戀事時竟風騷地承認拍拖，問佢係咪如傳聞所講蜜運中？小春話：「OK啦，都一段時間，好好哋經營落去應該OK。」
近排被指偷食嘅謝天華掛寶牒祈福，唔通想趕走緋聞？
落選港姐黃瑩衣着性感露長腿，頗搶鏡。
阿佘被催婚
問小春同女友到談婚論嫁未，小春即避而不談：「關你乜事啫？」有報道指小春曾到尖沙嘴買女裝手鏈送畀女友，小春大方承認有買過，不過就話：「未諗到送畀邊個㗎，咁多女友。」唔知小春係咪想畀驚喜女朋友呢？
佘詩曼就話除咗工作之外，都未去過許願樹許願，阿佘同陳浩民甩拖後感情未有着落，向來都話唔急於搵另一半嘅佢終於被媽媽催促，阿佘話：「我媽咪今年終於催我，有時知我做嘢辛苦，都話拍得咁辛苦做乜嘢吖？快啲搵個人嫁咗去啦，雖然自己有時工作都覺得辛苦，但都冇得刻意。」
《鐵》劇上周平均收視29點（約188萬觀眾收看），阿佘希望收視再攀升。劇集收到3宗投訴，小春就話：「乜嘢年代呀，照劇本讀會好娘，只係大膽少少啫，觀眾唔好雞蛋裹挑骨頭啦。」
佘詩曼就話除咗工作之外，都未去過許願樹許願，阿佘同陳浩民甩拖後感情未有着落，向來都話唔急於搵另一半嘅佢終於被媽媽催促，阿佘話：「我媽咪今年終於催我，有時知我做嘢辛苦，都話拍得咁辛苦做乜嘢吖？快啲搵個人嫁咗去啦，雖然自己有時工作都覺得辛苦，但都冇得刻意。」
《鐵》劇上周平均收視29點（約188萬觀眾收看），阿佘希望收視再攀升。劇集收到3宗投訴，小春就話：「乜嘢年代呀，照劇本讀會好娘，只係大膽少少啫，觀眾唔好雞蛋裹挑骨頭啦。」
穿上粗口Tee嘅陳敏之（左）為影迷簽名留念。