清減咗唔少嘅日本女星深田恭子，近日正趕拍改編自韓片《擁抱這分鐘》嘅單元劇。電影05年喺日本上映時大收旺場，故此俾日本NTV電視台睇中開拍單元劇，套劇會喺下個月13號播映。日前深田着上著名設計師桂由美嘅婚紗拍攝結婚戲，雖然佢經常穿婚紗拍戲，但要同偶像及川光博拍結婚戲，深田話心情更加緊張喎！