環保係社會大潮流，就連聖誕樹，同樣可以環保方式出現。一批非一般嘅聖誕樹同聖誕裝飾，就喺房屋署多個屋邨湧現，例如藍田嘅安田邨嘅聖誕樹，肯定係別樹一幟，皆因係以向居民收集得來嘅同款膠樽，製成聖誕樹嘅主體，再配以光碟碎片並利用燈光嘅反射，令聖誕樹出現冰雕效果。而喺呢棵2.4米高嘅聖誕樹旁嘅可愛鹿車，就係以棄置嘅報紙、木櫈、膠樽同雞蛋盒砌成，完全係廢物再利用。

房屋署發言人話呀，原來除咗安田邨，元朗嘅水邊圍邨同天耀邨、葵青嘅葵芳邨同石蔭邨、藍田嘅翠屏（南）邨同深水埗麗閣邨等，都採用咗唔同嘅回收物料製作聖誕樹，旨在同居民歡度佳節。