【李八方online】 黃傑龍撲到4萬口罩 叙福樓全職員工一人一盒
蘋果日報 2020/02/09 22:41
口罩黃傑龍叙福樓集團
黃傑龍提供相片- 黃傑龍提供相片
- 黃傑龍提供相片
- 黃傑龍提供相片
- 黃傑龍提供相片
- 黃傑龍提供相片
- 黃傑龍提供相片
- 黃傑龍提供相片
- 黃傑龍提供相片
疫情當下，一罩見真情，肯為員工撲口罩嘅老闆更難求，咁當然，唔會係全港最大僱主。叙福樓集團主席黃傑龍（Simon）最近得到朋友幫忙，搵到渠道訂口罩，4萬個日本口罩今日送到，所有全職員工每人都獲派一盒共50個，「現時咁嘅環境，其實大家包括你同我心情都唔會好，心裏面一定有啲抑鬱，其實我哋需要嘅係一份關心，可能呢樣亦都係香港人最欠缺嘅嘢」。
Simon同八方講，疫情爆發至今，公司每日都有提供口罩畀員工，但工作以外，員工都有家人，都要生活，很多時因工時較長，未必有時間去排隊買口罩或上網搶購。佢自嘲唔係好老闆，冇能力停工又出糧，所以退而求其次盡力為員工撲口罩，讓佢哋可以放假自用或送給家人，「希望大家一起渡過難關」。
今日嘅香港，識人好過識官。有朋友知道Simon想送口罩畀員工，就幫忙搭路搵貨源，幾經辛苦先撲到4萬個。Simon話，呢位朋友一直都為基層市民撲口罩，所以大家協議，佢每買1萬個口罩，就會多買1,000個交畀呢位朋友，再轉送畀有需要人士。
特首林鄭月娥早幾日呼籲社會如有途徑採購口罩，方便就轉介畀政府。八方問過Simon點睇，佢就話朋友嘅採購渠道唔係乜嘢神奇地下市場，相信特區政府一定知，唔需要靠佢喎。