廣州恒大早在2012年已經開始喺大戰前夕製作海報，係中超第一支球隊為大戰設計海報，首張海報亦都應用在亞冠盃比賽作客全北汽車，不過當時都仲未增添火藥味，只用「We stand for China」（我們代表中國）為題，加上幾名主力比賽圖片。

不過隨住恒大強起來，海報用字亦都增添挑釁性，好似面對日職柏雷素爾（國內稱太陽神），就起題「誅神之戰」，而對沙特代表伊蒂哈德，就起題「大浪淘沙」，暗藏「恒大淘汰沙特」呢個玄機，今次對東方龍獅就用上「看我掌旗」。廣州一向對捍衛粵語嘅態度，其實比香港更激，恒大亦都製作唔少廣東俚語海報，如「喺廣州，我話事」，「晒冷」，「郁佢」等。其實唔止比賽，對於球員恒大都會製作海報，好似前鋒穆里奇離隊，就製作了「講不出再見」，向呢位前鋒道別。

文：牽牛