港視開台至今差不多有三個幾星期,早前官方公佈收視,點播同直播嘅收視每日平均合共近60萬人收睇,雖然已加大頻寬避免再出現網絡擠塞,但今日有讀者投訴呢個星期透過裝置睇電視時,經常出現畫面定格,甚至唔穩定嘅情況,港視發言人今日喺電話上回應話:「過去一星期嘅直播訊號都冇出現問題,網絡容量亦都準備充裕。畫面load唔到亦可能由其他因素造成,例如寬頻接駁穩定性同速度等,希望大家再試試。」
另外,喺後日播映嘅《選戰》第四集,陸偉陶受宋漫山影響,意興闌珊並決定宣佈退選,誰不知到最後發現一直被漫山愚弄,令佢決心進行反擊,但結果令自己陷入危機。