韓國賣座電影《與神同行》嘅男主角河正宇，其主演嘅新片《轟天暴隊》已於上周三喺韓國上映，而香港方面則落實喺下月24號開畫。

《轟天暴隊》氣勢如虹，喺韓國上映五日，已於噚晚突破100萬人次，河正宇連同拍檔李善均連日來都有喺韓國做宣傳，下月仲會去到台灣。而河正宇同李善均就十分搞鬼，噚日得知累計觀影人次突破99萬名觀眾，即齊齊拍照答謝觀眾。

《轟天暴隊》由《與神同行》特技班霸製作，並以實時模式拍攝，而電影仲要係河正宇親自監製，難怪河正宇喺片中表現更加落力。《轟天暴隊》講述2024年美國總統大選，國際僱傭兵團執行中情局綁架北韓高官任務時，突然遭到猛烈伏擊，政局急轉直下，核戰危機一觸即發。

精選韓流，喺晒《娛果》
http://fb.com/appledailyent