【韓流】同李敏鎬分手 23歲秀智速戀36歲《鬼怪》李棟旭
秀智李敏鎬國民初戀李棟旭
韓國23歲「國民初戀」秀智去年11月認同「長腿Oppa」李敏鎬分手,上月一度傳出復合消息,點知原來「國民初戀」已撻着另一位型男,今日韓媒驚爆秀智暗撻36歲嘅《鬼怪》「地獄使者」李棟旭,年齡相差13年。
根據韓媒《OSEN》報道,秀智同李棟旭爆出戀情後,雙方事務所亦隨即承認戀情,秀智所屬嘅JYP事務所表示:「兩人最近才開始交往」,李棟旭所屬事務所透露二人於私人聚會中認識,雙方正在了解中。
報道指兩人由演藝圈前後輩關係發展為戀人關係,雖然年齡相差13歲,但冇影響感情發展,而兩人亦曾被目擊喺清潭洞附近約會。
秀智去年認同李敏鎬分手,上月傳出復合,不過秀智方面就否認復合,只話大家仲有見面,估唔到原來秀智話咁快已投入另一段感情。
更多韓流,喺晒《娛果》
http://fb.com/appledailyent