當年今日
關於我們

【同類例子曾有佳作】上賽衝閘落敗不足為據!「君達星」要討回公道

蘋果日報 2020/03/17 06:00

落敗衝閘丁冠豪谷草夜馬君達星

丁冠豪馬房招牌馬「君達星」,今季首三仗跑谷草1200米皆輕勝,所以2月26日初跑一班同程,仍被捧成1.5大熱門。
豈料入閘後突然衝閘,快跑了逾百米才收停,理應退出較合理,令投注人有所保障,最後竟然冇退出,結果放至末段力弱只得第七,令馬迷怨聲載道!
今季「好好學習」和「開心人生」賽前驗出有傷照跑,結果熱W不保只能入位,但翌仗也能立即補中贏馬,希望「君達星」亦能討回公道。
丁冠豪曾高踞谷戰榜首一段日子,踏入3月才被方嘉柏趕過跌落次席,周三(18日)谷草夜馬在C加3跑道上演,是他反擊之最好時機。
事關翻查紀錄,近四次用C加3欄丁廐例贏,共獲六Win成績標青,丁廐今期共出六駒,贏面最大當然係第八場二班1200米「君達星」。
今季首三仗跑同程也輕勝,上仗衝閘兼快跑了逾百米,情緒大受影響竟然冇退出,結果1.5大熱門倒灶跑第七。
今季「好好學習」和「開心人生」皆是熱門馬,賽前驗出有傷照跑,結果只能入位,但翌仗即勝沉冤得雪,「君達星」復課試大閘一樣咁弗,潘頓唔放手可收復前失。
第四場四班1650米「凱旋駿驥」,前仗在三班同程得第四,一早敲定莫雷拉跑今場,點知上周六(14日)在三班1400米後備二也可補出,結果配黃皓楠排13檔也追得第七,只負頭馬個多馬位,證明本身近況不弱。
今次初落四班跑試準谷草一哩,卡士秤先,兼有雷神騎功之助,有力打開在港勝利之門。
撰文:馬歌
-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播  健身壹App過!
一按即玩