當年今日

免沖洗潔膚泡最啱車主用

蘋果日報 2002/07/10 00:00


有好多車主每逢假日或閒時,都會親自檢查自己嘅座駕,例如檢查機油、風隔、車胎氣壓等等,呢啲自助檢查都會搞到成手都係油迹或污垢;呢類頑固嘅油迹好難用一般清潔劑清洗,有時更要用上特別嘅洗手膏才可。不過,大部份去除機油嘅洗手膏,使用上都會較為麻煩,對於敏感皮膚嘅車主亦會有一定影響。
最近有一種全新嘅洗手泡在港推出,用時完全不用清水沖洗,只需將泡沫噴在手上,然再用紙巾或毛巾抹掉,便能去除機油所帶來嘅污迹。
呢隻由ConvaTec推出嘅AloeVesta免沖洗防敏感潔膚泡,擁有特別配方,能有效清除皮膚上嘅油迹、污垢同難聞氣味;另外由於佢不含酒精,因此唔會傷害皮膚,加上蘆薈及補濕劑,更能保持肌膚免受破損。而AloeVesta係非壓縮性噴霧,一支潔膚泡可以噴出約二百多次泡沫,並可安全地放置於汽車內,從而可避免因車廂高溫,而令其有產生爆炸嘅危險㖭。

售價:約$80
銷售地點:永安百貨及西田百貨