~~始終一天~我會買隻手錶~~
~~The best is yet to come~~最好的~尚未來臨~~~
~~喜歡的不會喜歡我~我愛你但你不愛~~~

由《始終一天》、《The best is yet to come》、《三分鐘後》……唱作組合at17由02年出道開始有好多好歌，係時候要練定歌同at17一齊唱！

at17成員盧凱彤(Ellen)、林二汶(Eman)，喺七年前宣布單飛演出，佢哋除咗推出個人大碟，繼續音樂幕後工作外，仲有唔同工作上嘅嘗試。二汶主持電視節目，Ellen則為各大演唱會擔任結他手，而佢於今年6月舉行嘅台灣金曲獎勇奪「最佳編曲人」時，感謝自己嘅太太、台灣電影攝影師余靜萍。佢哋嘅歌迷呢幾年雖然只聽到佢哋各自嘅歌曲，但熱情從未減退。今年6月Ellen開個人音樂會時，二汶壓軸出場宣布將會喺12月重組，歌迷即場起哄，二汶當時話：「有時候一個人行，亦都係時候兩個人行。」原來七年之癢都可以指分開咗嘅兩個人。

at17 嚟緊12月23、24號(加開一場22號)喺伊館開騷，紀念出道15周年《Girls Girls Girls演唱會》。而 《蘋果》率先同佢哋熱身、做吓民調，你又「中」at17 邊首歌？

你哋記住邊睇Live邊點唱，at17會唱出你所想！今日(9月20號)晚上11點，黐實《蘋果》facebook Live《今日ENT》見！