當年今日

生死一刻
「不斷咁衝」 乘客嚇破膽

蘋果日報 2012/03/02 00:00


「點算呀,停唔到喎,不斷咁衝……過埋呢關(石壆)就衝落海㗎喇!」雙層新巴失控險直衝落海,車上乘客經歷生死一刻、冷汗直標嚇破膽。有慈父事時單手拼命緊抱兒子保護,也有乘客死命抓住扶手保命。
意外時坐在巴士下層的鄧女士,事後憶述事發情景時仍有餘悸:「架車開始失控,當時心諗,點算呀,停唔到喎,不斷咁衝,衝上壆,個壆好似舊大石頭咁,諗住過埋呢關就衝落海㗎喇!」
失平衡甩手 兒墮地
她坦言,當時只懂捉緊扶手,如非有石壆擋住,後果不堪設想。她驚魂未定又聽到有乘客大叫:「漏油呀!」眾人恐防發生爆炸,即時慌忙逃生,幸好車上有一名休班警員臨危不亂,指揮乘客有秩序地疏散。鄧女士慨嘆,她平日很少搭4X路線,誰知「咁啱得咁橋」飛來橫禍,右手受傷送院。
意外發生前一刻,施先生正抱住年約兩歲兒子站在下層車門前準備落車,巴士突然失控,他一手捉住扶手、一手死命抱緊囝囝,巴士鏟上行人路他仍能硬撐站得住腳,豈料巴士再猛撼石壆,他已失去平衡甩手,兒子登時墮地,施先生捏一把汗,幸父子送院檢查後無大礙。
《蘋果》記者