當年今日

TVB裁員 米雪勸專才勿灰心
錢嘉樂促高層減薪谷士氣

蘋果日報 2008/12/01 00:00


無綫昨日向212名員工派大信封,大部份藝人對被裁減的同事感到惋惜,希望不要再發生。新鮮出爐視后米雪更出言幫受裁員工說好話,希望無綫將來可以招聘這批員工回巢,而錢嘉樂和楊思琦則異口同聲表示高層應減薪共度時艱。
無綫昨日裁減212名員工,留下的員工士氣也受損,出爐視后米雪昨日在電視廣播城接受林敏驄主持的《大龍鳳茶樓》訪問,談到裁員,她表示目前的經濟環境,惟有與公司共度時艱,她說:「我仲未知有幾多個朋友被裁走,希望被裁走嘅同事唔好灰心,佢哋係專業人才,畀啲耐性等吓,一定會有人請,或者遲啲經濟好番啲,公司會請番佢哋呢!」
empty
曾華倩坦言有相識的員工被裁走,令她心情十分低落。
empty
鍾嘉欣及黃宗澤近日進軍樂壇,兩人昨日一同出席電台活動。
「最緊要有工做」
早前有指米雪與無綫簽新約,她說:「我仲有一年合約,但係如果簽新約唔加人工都冇所謂,最緊要係有工做,遇到好劇本嘅話,減價都冇所謂。」不過,當提到無綫在有盈利的情況下仍裁員,米雪有點避忌地說:「呢啲各有各嘅政策,老闆都有佢嘅難題,我都唔識點講。」
錢嘉樂則直言高層應該以身作則減薪,給人感覺公平,對士氣有所幫助。未受凍薪影響的楊思琦也認同若高層主動減薪,值得讚揚。目前在收費台任主持的曾華倩,早上拍《玄學天王》獲悉有兩名同事接大信封,感到不開心,她說:「多多少少都有影響心情,希望唔會有下次,發生呢件事都冇辦法,不單只無綫,同成個社會有關。」
empty
米雪出言希望無綫稍後可以招聘被裁走的員工,讓他們回巢工作。
藝員凍薪冇影響
此外,林峯坦言藝員科是賺錢的部門,所以未受影響,對無綫有盈利仍裁員被指欠缺人情味,林峯避忌地說:「相信大機構有呢個決定,之前係經過好慎重嘅考慮,公司都喺唔情願嘅情況下去做。」鍾嘉欣知道有相熟的同事被裁,問到藝人凍薪對她是否有影響?她說:「我喺宣佈凍薪前已經續咗約,當時有加少少人工。」而剛從多倫多回來的黃宗澤對於凍薪則笑說:「我喺多倫多有凍親,凍薪就真係唔知喇!不過我份約兩三年前續咗。」
採訪:何慧斯、林惠卿
攝影:陳慧安