不過今次唔係馬雲第一次「力挺」香港，早前旗下香港創業者基金搞嘅創業者比賽，馬雲都有到場為年輕人打氣，現場對話特首林鄭月娥時，又呼籲政府以減稅方法嚟為香港年輕人創業創造更好條件。而喺今年1月舉行嘅香港浙商聯合會成立儀式上，林鄭月娥同馬雲更穿上同一件印有「LET' ZJUST GET ON WITH IT HK」嘅T shirt現身，第一層意思就係想浙江同香港共創美好，第二層含意就係要香港人捉緊難得嘅機會。
至於收咗咁大份厚禮嘅團結香港基金主席董建華，就當然識做，表示話對馬雲嘅關愛香港之心深表感謝。不過，其實聽講團結香港基金一直不乏大水喉支持，睇番2015年嘅報道，就有指團結香港基金總部喺當年6月由上環南豐大廈11字樓4個辦公室，搬到去19樓全層，面積由3,000呎增至9,000呎，估計當時市值月租由10幾萬元大增幾倍至70萬元，可想而知個基金有幾叠水。
李華華
mailto:
[email protected]