伊勢谷友介熊本災區送暖炒麵畀災民分享

蘋果日報 2016/04/21 06:00

蘋果賑災長澤正美即時伊勢谷友介高良健吾森星熊本大地震

日本熊本經過兩次大地震後,唔少日本藝人都出錢出力賑災,日前出身自熊本嘅男星高良健吾被發現低調現身災區,而佢原來都仲未走,一直留低幫助災民,被讚係好男人,而另一男星伊勢谷友介,近日雖然被踢爆同女星長澤正美分咗手,仲已經搭上另一長腿女星森星,不過,伊勢谷就拋下新女友,走咗去災區,仲落手為災民煮炒麵送暖,令到形象花弗嘅佢都被大讚。

伊勢谷仲喺災區被當地人集郵,佢亦來者不拒,好親切咁同災民合照,有一位老婆婆見到佢落力幫大家,仲好激動咁攬住佢㖭。伊勢谷仲喺災區遇上高良健吾,於是兩位有心男士仲同一大班人一齊合照。