馮仁昭四圍超
忽爆《倩影》真身依然當紅 蔡楓華：啲中女咁犀利 - 馮仁昭
蘋果日報 2010/09/07 00:00
好耐冇見兼當年有紅唇王子之稱嘅蔡楓華，最近接受夏妙然主持嘅港台節目《光輝歲月》訪問，嚟緊會陸續咁播出，而電台發咗張蔡楓華同夏妙然嘅合照，只見佢戴住cap帽同黑超，着件polo衫同高腰褲，精神都唔錯。訪問開始冇耐，蔡楓華話自己受到好多流言蜚語，但佢強調自己除咗對眼有事外，身體好好，更加冇精神病㖭。
節目名叫《光輝歲月》，當然要提吓蔡楓華嘅威水史，所以點可以唔提當日大熱嘅一曲《倩影》，蔡楓華自爆原來呢首歌係寫一個女星嘅背影，主持追問係邊個，佢話：「唔講得，佢仲紅緊仲喺度，估唔到啲中女咁犀利。」據聞呢個女星就係麗的時代嘅關之琳。
節目名叫《光輝歲月》，當然要提吓蔡楓華嘅威水史，所以點可以唔提當日大熱嘅一曲《倩影》，蔡楓華自爆原來呢首歌係寫一個女星嘅背影，主持追問係邊個，佢話：「唔講得，佢仲紅緊仲喺度，估唔到啲中女咁犀利。」據聞呢個女星就係麗的時代嘅關之琳。
蔡楓華自爆《倩影》係因女星背影而諗出嚟，唔知會唔會係合作過嘅關之琳？
資料圖片
資料圖片
當年蔡楓華做男主角同紅姑合作拍電影，但佢話當年只有4萬5千蚊酬勞好奀喎。
資料圖片
資料圖片
嘆難搵終身伴侶
當年歌、影、視同播瓣瓣掂，但蔡楓華話冇錢賺：「我同鍾楚紅拍過一套戲做男主角，但都只得4萬5千蚊，好少囉。」佢講嗰套應該係82年嘅《薄荷咖啡》。另外，蔡楓華又自稱係全港唱酒廊嘅歌手中最高歌酬喎，雖然係咁，其實佢唔想唱。
除咗歷史外，聽眾都想知蔡楓華嘅近況，原來無綫搵佢上《勁歌金曲》，蔡楓華表示：「應該會喺9月上，我希望以最佳狀態出嚟，真正嘅復出，但千祈唔好話我大年紀，好多我嘅前輩都仲唱緊。我要戰勝幾樣嘢，我會好珍惜，講真冇蔡楓華就冇《勁歌金曲》。」
咁感情方面又點？蔡楓華好老實話成十幾年冇拍拖，佢解釋：「我喺內地成日登台，好多機緣，但我成日巡迴東奔西跑，根本冇固定，總之終身伴侶難搵，如果貪錢貪名氣嘅送都冇用喇。」
除咗歷史外，聽眾都想知蔡楓華嘅近況，原來無綫搵佢上《勁歌金曲》，蔡楓華表示：「應該會喺9月上，我希望以最佳狀態出嚟，真正嘅復出，但千祈唔好話我大年紀，好多我嘅前輩都仲唱緊。我要戰勝幾樣嘢，我會好珍惜，講真冇蔡楓華就冇《勁歌金曲》。」
咁感情方面又點？蔡楓華好老實話成十幾年冇拍拖，佢解釋：「我喺內地成日登台，好多機緣，但我成日巡迴東奔西跑，根本冇固定，總之終身伴侶難搵，如果貪錢貪名氣嘅送都冇用喇。」
蔡楓華年前都有亮相《歡樂今宵》，言行舉止化妝都相當神化。