老董親自掛帥打SARS，日前重拍晒心口同楊永強局長去咗柴灣高威閣「巡視」。有人話老董想同阿松一樣戴罪立功。但「沙士」非同小可，一個月就攞咗幾十條人命，就算有乜嘢功都補唔番啦。
老董捱得咁辛苦，都唔知為乜。有人話，其實中央領導人一向好關心佢嘅健康問題，據聞江澤民有一次重好認真咁問佢：「你是不是要多休息，聽說你有高血壓。」點知老董點極都唔明，猛話自己身體好好，多謝領導關懷。
香港喺祖國嘅版圖上，只係好細一點，但就令到北京眾高官，包括已榮休嘅朱鎔基、錢其琛，以至新上位嘅胡錦濤、溫家寶同吳儀都頭大如斗，真係過意唔去。雖然照目前表面嘅證供睇，SARS都似係祖國明「益」特區，而我哋又冇用，走甩三幾個病人就全部冧晒，你話係咪行衰運呢。


傳真︰2623-9278
電郵︰[email protected]