胡定欣無懼寒冷天氣 衣衫單薄晒腿過除夕
蘋果日報 2020/12/31 17:38
胡定欣胡杏兒麥玲玲
胡定欣和麥玲玲今日出席活動搵真銀，定欣笑言一早估到好友杏兒有孕，但就未敢講出口。
胡定欣今日在銅鑼灣，為陳曦齡投資過百萬元的健康產品新店擔任剪綵嘉賓。她表示有看中醫調理身體的經驗，「好彩我身體好平和，冇病冇痛。」難怪她在寒冷氣溫下，仍以春裝露腿示人都不覺冷。
提到今日除夕，定欣透露已有一年多沒有做活動搵外快，所以她認為雖然今日是2020年的完結，但亦是一個好開始，展望2021年大家都身體健康，有強健的體魄才可以揮低這個疫情，她笑說：「過往會緊張去邊度倒數做嘢，同一班同事過，今年就留在家中。」收入是否大受影響？她說：「我冇特別去計，因為唔需要計，有句說話好啱『好天斬埋落雨柴』，好彩過往呢一、兩年，都有唔同嘅工作做，所以用緊積蓄，我唔需要擔憂已經好好，每日都有唔同嘅新聞，見到香港人面對唔同嘅困難，我會覺得要珍惜所有嘢，珍惜健康。」
猜杏兒有孕全靠睇個鼻
對於胡杏兒早前公佈陀第三胎，定欣開心地說：「我未有機會見到佢，我都係早大家一日知。其實好微妙，我哋幾個好姊妹都發現佢有孕味，但大家當時唔敢講，因為佢第三胎，大家都知道佢懷孕嘅時候，個樣會有啲咩變化，點解佢個鼻唔同咗。（今胎係仔？）唔知呀，諗唔到佢有咗BB都上大陸4個月做嘢，我哋成班姊妹都覺得佢好叻，將事業同家庭都照顧得非常好。」
胡定欣冒寒風晒腿。
麥玲玲和胡定欣趁今日除夕着到紅噹噹出席活動。
胡定欣表示好彩自己有積蓄，在疫情期間不用太擔心。
胡定欣笑言見到杏兒個鼻，已猜到好友再度懷孕。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！