前晚在報道出街的前夕,高Ling與甚少現身活動的殼王前後腳在圓方出席電影首映活動,高層樂易玲全程傍實殼王,高Ling甫到場準備接受訪問之際,她的經理人示意她向老闆打招呼,接着企在殼王身邊的樂易玲叫高Ling繼續接受訪問。高Ling稱受劇集的影響下,工作量增加,在內地知名度高了不少,問到她會否仿效佘詩曼加價?她說:「嗰個係阿佘,我有一級跳已經好好,我都想視佢為目標!」對於汪子琦寸爆指她戲屎,高Ling說:「作為新人要接受人哋批評,多謝佢支持睇套劇!」雖然有稱《使徒行者》的電影版預了角色給她,不過她仍說:「唔知安排,我喺微博報咗名,一陣會同樂小姐講。」
此外,高Ling昨晚在維穩節目上回應得寵一事,她說:「其實我真係唔識佢,我淨係喺公司安排嘅公開場合見過佢出席,連行埋去同佢打招呼嘅機會都未有。」她指劇集出街的次序亦由公司安排,她亦否認因裙帶關係而獲安排演出賀歲片,反而是經理人安排她去試鏡。
採訪:溫敏芝
攝影:仇志德