美國樂壇天后麥當娜（Madonna）今個月17、18兩日於香港亞洲國際博覽館舉行「RebelHeartTour」，台灣站首場今晚假台北小巨蛋展開，更係娜姐呢次亞洲tour嘅第一場，今日落微微雨，各地歌迷早就到場朝聖。

紀念品於下午2時半開賣，不到2點半就有約100名粉絲排隊，以T恤最受歡迎，仲有cap帽、場刊等。為了方便粉絲購買，除了在小巨蛋廣場搭設帳棚從下午2點30分賣到晚上9點，小巨蛋2樓店舖則從晚上7點賣到午夜12點，主辦單位不敢低估娜姐粉絲嘅購買力，表示2場演出嘅周邊商品備貨量充足。

記者發現有來自香港嘅歌迷都到場搶購紀念品，表示專程飛到台灣先睹為快，更買晒兩場門票撐偶像。

場外都有幾檔賣老翻紀念品，有娜姐團隊嘅外國工作人員上前研究、問價，不過就冇幫襯。暫時保安未見太嚴謹，有個交通警停咗陣就走人。