北京奧運weareready！？一班示威者都係咁講。有「鬼佬長毛」之稱嘅國際行動MattPearce，噚日事先張揚會喺奧運馬術賽舉行期間搞大型示威，促請北京畀香港人普選，反對中國踐踏人權。佢高調咁發公開信畀領導人胡、溫，仲有煲呔曾、李少光同特警成，講明自己屆時一定會喺沙田或者中區至銅鑼灣嘅主要道路示威，強烈勸喻所有市民喺奧運期間唔好經過佢嘅示威區，以免沙塵滾滾，殺錯良民。
Matt話會同警察商量喺邊度示威，至於到時搞邊科則未有定案，不過聲言一定精采。呢位鬼佬長毛曾經扮蜘蛛俠，爬上大廈外牆掛悼念六四橫額，又試過爬上馬路燈柱請願癱瘓中環交通，一條友都隨時玩謝差佬，唔係吹水。