煞車英雄與死者為同事

蘋果日報 2017/08/09 00:00


【本報訊】在旅遊巴奪命車禍中,當機立斷坐上駕駛座及時將旅遊巴煞停的英雄「福哥」,與死者王小明在同一間旅遊巴公司工作,有乘客形容福哥是英雄:「如果冇佢,真係死傷慘重。」
56歲的福哥在肇事旅巴公司任職司機10多年,為中更司機,下午1時開工至凌晨1時。車禍後他沒到醫院,自行返回內地居所:「當時好混亂,撞一下,諗住冇乜嘢,𠵱家瞓醒好痛。」他的頭及腳部感痛楚,已於昨午回港看醫生。
empty
意外後大批傷者坐在馬路等候救護員治理。
乘客:冇佢就死傷慘重
福哥接受《蘋果》電話訪問,指當時他坐在司機位後面第二排玩手機,其間「收起部機望一望,有架壞嘅大貨車,後面有架私家車(平治護航車)閃晒燈,可能(司機)冇留意,前面乘客嗌我又嗌,睇住佢撞埋去,一抽避唔切,左邊車頭撞埋架私家車,撞完左再撞右,撞得好犀利」。其後福哥擬查看司機情況,卻見駕駛座空空如也,相信他被拋出車,見旅遊巴繼續衝行,於是坐上駕駛座將車煞停,並開車尾門讓乘客落車。有乘客形容福哥是英雄:「如果冇佢,真係死傷慘重。」
■記者熊翠蘭