曾任全國人大常委的曾憲梓今日（20日）在內地離世，享年85歲。曾憲梓非常愛國，他在2012年12月出席亞視《ATV2012感動香港年度人物頒獎禮》時，在台上領獎時揚言會把個人財產捐給國家。

當晚的司儀鮑起靜在台上問曾憲梓是否捐出所有家財出來做善事？曾憲梓說：「係，17歲嘅時候啲幹部嚟到我屋企，把我送到學校讀書，我有今日全靠黨同國家同人民，把我培育成長……我錢唔係多，但我心意、我想追求係終生報答國家，雖然我錢財好有限，但我細路哥都成長咗啦，我決心把我所有個人財產全部貢獻畀國家。」其子曾智雄亦有陪爸爸領獎，他在旁說：「我哋全家人都係全力支持爸爸呢個做人理念，我覺得呢樣嘢，除咗畀到我哋後一輩，可以畀到好多年輕人作為一個借鑑，爸爸嘅做人理念，同埋做事嘅勤奮。」

曾智雄在後台表示會尊重爸爸決定，並很欣賞爸爸崇高理想。「佢捐錢一事（家人）一早知，唔係今日嘅事，係好值得支持，將來到我老都會倣效。」至於善款會以甚麼形式捐出，他說：「有教育基金、載人航天基金、體育基金同希望小學。爸爸後生好努力賺錢，咁多年嚟得到國家栽培，國家開放咗30年，見到啲學生仲好貧窮，所以都有不斷資助佢哋。」