韓國23歲「國民初戀」秀智本月初認同拍拖四個月嘅韓劇《鬼怪》36歲男星李棟旭分手，分手後兩人都寄情工作。

秀智前日就飛抵台灣，噚晚就喺台灣出席Dior活動，身為特別嘉賓嘅秀智壓軸登場，即時令現場200位粉絲發出尖叫聲，秀智亦好識做不時裝可愛畀傳媒拍照，連佢自己都忍唔住笑。

而秀智此行亦有接受台灣《蘋果日報》訪問，佢仲先後示範兩套服飾，當中佢就話最鍾意第二套褲裝，又話：「因為很可愛，特別是帽子。」秀智自爆平日唔使開工嘅話就最愛着T恤襯緊身褲，喺屋企最多就係T恤：「類似款就有6、7件，周圍的人都會說『不是都差不多』，還會阻止我再買。」

至於平日出街必帶嘅物品，秀智就話係潤唇膏、太陽眼鏡同鏡，又笑言：「如果忘記帶鏡子，會超沒安全感。」又自爆前晚抵台時，因為把鏡子忘記喺飛機上，令佢非常不安，不過佢就唔係照鏡控，只係因為藝人身份，令佢一定要確認同埋注意自己嘅妝容。同時來台灣多次嘅秀智直言十分鍾意台灣美食，希望此行可以食芒果冰和火鍋，而鳳梨酥亦都係佢一定會買回韓國嘅手信。

更多韓流，喺晒《娛果》
http://fb.com/appledailyent