李斯特城今季創造神話，歷史性喺英超封王，領隊雲尼亞里講到明下季會力爭衛冕，增兵是常識吧！李城喺官方twitter公佈，從來李會降落德乙嘅漢諾威簽入門將薛拿！留意返，薛拿係2014年世界盃盟主德國隊成員之一，初出道時效力曼聯，但冇乜上陣機會，2010年加盟漢諾威，今季喺聯賽踢足34場，但幫唔到球隊留喺德甲。英國《每日鏡報》指，薛拿同漢諾威嘅合約，列明「贖身條款」係300萬鎊（約3,400萬港元），據報李城願意出呢個價，但確實嘅轉會費仍有待公佈。