該政界中人指，以收緊長者綜援政策為例，林鄭現時企硬不撤回，但又知真的如期落實，民望必大跌，隨時連建制也不肯撐她，「所以用乜嘢檢討、暫緩執行長者唔搵工罰二百，一於拖住先」，今次處理沙中綫策略也是一樣，因為一交由獨立專責委員會調查，即等同將整個問題押後處理，「委員會隨時又要查三幾個月，如果要再開聆訊，可能拖得更長，呢段時間林鄭、港府、甚至港鐵又可以乜都唔答，話等委員會查完有結果先」，到時不要說民主派難有藉口逼建制派用特權法查沙中綫，「就算叫陳帆上立法會，佢都大條道理乜都唔答，等同阻止議會、輿論追究落去」。
不過該政界中人直言，今次沙中綫部份工程施工紀錄無故失蹤情況嚴重，甚至令人懷疑當中是否有人想消滅證據，「唔係拖拖吓可以冇件事」，也令人覺得林鄭「好打得」、處理民生政策有能力是言過其實，況且林鄭始終要面對公眾，「特別係咁拖法，避得開今年區議會選舉，都避唔到出年立會選舉」。
周一、三、五刊出
季陶