當年今日
關於我們

【香港仲遲過大陸上】印度首席男星新作 《打死不離3父女》全球票房破21億港元

蘋果日報 2017/06/08 07:30

打死不離3父女Dangal阿米爾汗Aamir Khan

現年52歲嘅印度首席男星阿米爾汗(Aamir Khan),繼《作死不離3兄弟》(3 Idiots)、《來自星星的PK》(PK)後再有新作殺到香港,其主演嘅感人新片《打死不離3父女》(Dangal)已定8月31日在港上映。《打死不離3父女》早前於美國及印度等地上映時,贏得國際影評及觀眾一致激讚,全球票房高達2.7億美元(逾21億港元),破盡紀錄,成為史上最賣座印度片,令阿米爾汗再創票房奇蹟!
阿米爾汗一直被公認為最具影響力嘅印度男星,佢擅以幽默手法,帶出當地社會問題,比如《作死不離3兄弟》諷刺填鴨式教育、《來自星星的PK》質疑各種宗教理念,娛樂性十足之餘更成功引導觀眾反思。阿米爾汗監製兼主演嘅新片《打死不離3父女》,改編自印度首位女摔跤冠軍運動員瑪哈維之傳奇故事,講述三父女一條心,誓要用一面金牌激勵全球追夢者。阿米爾汗飾演嘅父親一直希望培育下一代成為金牌選手,為國爭光,可惜連生四位千金令佢幾乎放棄夢想。偶然下,佢發現兩個女吉塔同埋芭碧塔竟擁有摔跤天份,打架比男生還要兇狠。於是決定要訓練兩個囡囡成為No.1摔跤選手!過程中,3父女要打低嘅唔止係比賽對手,還有男尊女卑嘅社會觀念、各種攻擊性嘅輿論及歧視,為夢想打破重男輕女嘅傳統枷鎖。