當年今日

緋聞甚囂塵上「表哥」照蒲頭
Yumiko與美容院太子情未變

蘋果日報 2003/09/15 00:00


吳浩康昨日到尖沙嘴出席「吳浩康Deep新歌首唱日」,早前有雜誌指鄭希怡(Yumiko)與美容院太子爺阿Ben拍拖,昨日二人也有到場,但見記者上前拍照時卻顯得十分避忌。
吳浩康昨日與師姐鄭希怡往尖沙嘴,出席「吳浩康Deep新歌首唱日」。早前有雜誌指Yumiko與吳浩康的表哥、美容院太子爺阿Ben拍拖,及後Yumiko指緋聞是美容院的宣傳招數,昨日Yumiko和阿Ben分別到場支持吳浩康。
當記者上前拍照時,阿Ben卻即時迴避到商場上層位置欣賞,問他是否到場支持表弟及Yumiko時,他不置可否,其後便一直在商場一樓觀賞整個活動。

電話繫情緣
早前指阿Ben博宣傳的Yumiko昨日改口風說:「嗰份報道出街之後,我哋都有通電話。事實上我同佢係朋友關係,我亦唔覺佢利用我去宣傳佢間公司,總之每次有阿Deep(吳浩康)嘅地方,佢表哥都會出現,我見到佢都唔會尷尬,但係我怕會影響我哋之間嘅友情。」而在旁的霍紋希亦說:「佢哋兩個只係見過兩、三次,所以唔係咁熟。」吳浩康則表示阿Ben是到場支持他,他說:「我每一次有活動,表哥同姑姐都會好支持我,所以今次都唔例外。」

出門招風雨
此外,吳浩康的新歌首唱日原定在室外舉行,但因天雨關係,最後要移師到商場內舉行,吳浩康笑言自己每次舉行活動都會招風雨,他說:「其實我可以去一啲有旱災嘅地方做記者會,咁嗰度就唔會再有旱災啦!」戴上紫色爆炸頭假髮的Yumiko,亦送上一個橙紅色假髮給吳浩康,希望他會大紅。
採訪、攝影:李珮洳
empty
Yumiko在台上替吳浩康戴假髮,其緋聞男友阿Ben則在樓上默默支持。
empty
阿Ben