阿Man文家良隻「惜福」月初一落班即時反擊，點知全程被頂出外叠，最終被方仔「準備就緒」head住十倍爆不成，今回升三班杜利萊造唔到磅冇得報仇，變咗雙重損失，最開心嗰個就一定係Alex黎海榮，佢之前響三班騎「惜福」輸咗五場，上次開飯冇佢分，難得家陣失而復得，所謂「有食唔食，罪大惡極」，唔使問都知到時一定砌到贏為止。
講真「惜福」黎海榮過去騎咁多次，無功都有勞，而且半同主隻「無敵」由佢贏過，今次歸位都好正常，亦睇到阿Man同馬主王振武好有人情味，至於啃唔啃得落呢塊肥豬肉，就要睇Alex自己點發揮咯！