中國上一代人崇洋崇港,但80年代出生嘅一代就有自己立場,未必睇得起港燦。
不過內地評論經濟嘅名人,仍以香港人吃香,據中國評論新聞網報道,香港中文大學講座教授郎咸平喺舊年,上半年出席一個為期兩日嘅論壇,酬金12萬銀(人民幣.下同),下半年喺另一個論壇,只係講半日就袋6萬。今年3月,有記者問佢一條經濟問題,郎咸平拒絕咗,原因係乜唔重要,最緊要係佢話:「你們要知道,我的出場費是上漲的了,目前是15萬元,不過具體銀價也是可以談的。」
報道冇講一場演講幾多粒鐘,但15萬銀講一場,可以話係內地收費最貴嘅經濟名人。據報道,排第二亦係由香港北上發展嘅經濟學家謝國忠,收10萬銀一場。